نقاش:شارخية
بعد وفاة المرحوم عبدالعزيز الشايع رثاه خاله عبدالرحمن بن عبدالكريم الشايع وذكر الشارخية نظراً لولعه وحبه للشارخية في قصيدته التالية:
يالحل ياللي مات وللمقبره راح *** الله يونس وحشته في نزوله
خـذه ملك المـوت ماهوب مـزاح *** ماهوب مزاح وبرك ذلوله
ليته طلب غيره وبعطيه وارتاح *** اعطيه من نذل الحمايل عذوله
يابودحيم وين ذاك الفرح راح *** مثل حلوم الليل كلن يقوله
ابو محمد وانت والبال منساح *** ناكل ونشرب وجبة بالسهولة
من عقب فرقا الشيخ مانيب مرتاح *** زشلون ابانسى الشيخ ركن الحمولة
من عقب فرقا الشيخ ركن الربع طاح *** طاحت ركون العز من راح زوله
قبله قبالي مثل برقن إلا لاح ***انظر بشوف العين عرضه وطوله
قلت آه واويلاه والسد قد باح *** هلت دموع العين من شن اقوله
الشارخية تقول شيخ العرب راح *** والغرس عقب الشيخ من يايعوله
ياكود عبدالله للمواجيب نطاح ***خليفة للشيخ ويمشي بقوله