جواد الحمراني
جواد كاظم مصيلخ ناصر الحمراني وهو شاعر عراقي ولد في بغداد مدينة الصدر
في اواسط الثمانينيات التحق في سرب الابداع(منتدى المدينه) وفي احد الايام في بدايته في المنتدى عرض قصيدته على بعض الشعراء وكان رأيهم سلبي وانه لايصلح ان يكون شاعر وبعد فتره عرض قصيدته على الكبير الراحل محمد الغريب فقال له(ياجواد يجي يوم انت تقرءه ونحن نصفق لقصائدك) وقد صدقت نبوءة الراحل الغريب وبعد فتره قصيره ملء سماء الابداع اسم الكبير جواد الحمراني... وعندما اصبح اسما لامعا سئلته من صاحب الفضل عليك( قال فالح حسون الدراجي صاحب الفضل الاول)
فتى الجنوب.....وقد لحنت بعض فصائده واداها بعض المطربين الكبار (بدون علم جواد الحمراني) ومنهم
سعدون جابر......اشهد بانك حلو
كريم منصور....
كلما دكيت في ارضا ودت
ماجد المهندس....يابويه مشكله
عبد فلك......اتانيك ادوب اعلى الدرب شمعه
حسن بريسم........يابني ادم
قاسم ابو عامر.....العرايسس
وعندما ظهر السيد محمد محمد صادق الصدر (قدس سره الشريف)بمشروعه ....كان الحاج جواد الحمراني من اوائل الملتحقين بهدا المشروع
ومن هنا بدءت السلطه الحاكمه بمطاردة جواد وقطعوا عن عائلته الحصه التموينيه
وترك داره وعائلته وبفي يتنقل من مكان الى اخر في النهار وفي الليل كان يقضيه في كراج النهضه ...وللامانه بقي جواد صامد لم ترهبه الاساليب القمعيه التي مارستها السلطه
و احدى قصائده بعد سقوط النظام ...يقول
انه الشعب العراقي العرض بالطول
خليط حدودهه انياب الذئابي
انا الشعب الشطبني خصه الاعراب
اسد و ارضه بحمه اولاد الغرابي
لان چان الوطن من زاخو للهور
ادانه وريحة التهمه بثيابي
ردت وصلة شريف بذيچ الاوحال
وادگ باب الگعد عمره اعله بابي
شفت ذلة شعب مدفوعة اثمان
البشر باعو وطنهم للمرابي
اذا ربك دفعلي ابعد الناس
شافو مذبحي وذبوا جوابي
واخوتنه الاهي اولاد يعقوب
نفقهم اسود بلون اغترابي
يحن گلب الكفر وگلوبهم سيف
وشرب حفل العرب من دم مصابي
ارد نكسات وارگع چم فتگ لوط
ولا بيهم جدير يتم نصابي
عراق ويا عراق ويا شعب ليش
الاهل متريد عمرك والصحابي
الملح ماصخ ويا خبزك حرامات
اشردو من فضل ذاك الثوابي
على وجه العرب انكتهه الاسماء ؟
واذري عيونهه برمل ارتيابي ؟
اشك بيا نسب ؟ عدنان ؟ قحطان ؟
اشك بفراشهن لو بنتسابي
وك اعيرهه بتركيا وچم الف طاح
ويا ملك اعله جف رابين رابي
واگول بچم گرش باعو فلسطين
واجو تجار يبچون برحابي
فرنسا الهذا يوم الله اعله لبنان
قانون العصه بظهر الدوابي
وك جولان العرب لليوم مغصوب
دحررهه وتعال اصبح ارهابي
انا الحاميك من طبولك البيت
ال القينقاع وصرت جابي
مفتاح العواصم بيد داوود
وخمر زنجر على روس الحرابي
جامعمن يبو جامعة الذيول
يمعرس على اطلالبي وخرابي
اذا رغده سفيرك بالملمات
سفيرك يلمع بين الروابي
سفيرك دبلوماسي يحاور بليل
ولا خجل عروبة انتصابي
شوارب ما بقت عندي وارضيك
ونصف دولار ما باقي بحسابي
ابن بله اخذهن كلهن وياه
گبل لا ينزل بسيده العقابي
ما عندي وكت ارشي المآفين
وصلت الفهرس وخلص كتابي
ما عندي وكت لبطون الوفود
بقت ساعات لطفالي وشبابي
تعال امشي بطريقي ودوس الالغام
تعال ادخل امن جرب عذابي
بيمن ابتلي بعظام الالاف
ابيتي المحترگ لو بغتصابي ؟
انه البيه صرع و الضملك الخيط
وارسملك فجر وانه بعصابي
مطر غيم النفط بدياركم خير
وعليّ يمطر جمر نفس السحابي
ماچانت الفاو السعد زغلول
ولا كركوك مال احمد عرابي
تسبحون ابحمد صدام لليوم
وتعبدونه العريف الانقلابي
شبيه الشيء روحه بروح هالشيء
وعلى صنفه يحن جمع الذبابي
هنيئا يا عرب ابچو اعله صدام
شتلم جثة البعث غير الكلابي
بعدني اويه الظلام اتلمس الگاع
وبعدني امخلبص بلم انتهابي
وبعدني امدوهن بغزل المعاريف
طهران اشأجاها اعله اضطرابي
تسنني ابهواهه اتريدني الشام
وتشيعني العجم بسم القبابي
صرت عربي ابتليت بهاي الاجناس ؟
اشيلن هالوطن ونقل ترابي ؟
وادحسهه اعله داحس واغبر الغبراء
واطلع اعصارهه وانده ضبابي
گبل لا انفجر واصبغلك الكون
واخذ ثار عمري واستلابي
وگبل لا حطك بعقلي ارد اوصيك
بس البس الخاكي افقد صوابي
انته وغيرك مجربهه وياي
گبل وعيونكم شافت غرابي
عراقي ومرتفع راسي اعله الاشراد
بعدني مسودن ورجلي بركابي
استعرض مثلكم لا والف لا
اتأمرك ابد هالشيمة مابي
انه ابن الحضارة وابن الحسين
واشرفك لو ردت يوم اصطحابي
اشطبهم يا شعب وتشوفهه شلون
تجيك احلوگهم تنزف لعابي
اشطب جامعتهم بيك نهرين
سم الجامعة يلوث شرابي
عمر موسى اسم وشلايگ اعليه
عاصي واشعث اثنينك خرابي
يا عربي الغسل دمعه اعله الگبور
يا عربي السئل ليش اكتئابي
يا عربي السئل صدام فد يوم
عن حبله اشأكل من هالرقابي
اريد احسب جماجم وابچي العظام
واحاكم باچر واقسي واعابي
واسد حلگ الجزيرة واطم صدام
واستورد شتائم للسبابي
واعلن كل عبيد الرشوة انجاس
العدل والمات حاظرهه وغيابي
اشطبهم يا شعب انته ابن الاحرار
وغيرك يا وطن ولد ال ؟؟؟؟
لا تبچي العرب لو صارو افخاذ
وچتاف ابطن ابگع غرابي
وكان يحمل من الوفاء لابناء جيله من الشعراء مالم يحمله الاخ لاخيه وعندما
اتشهد الكبير الراحل غني محسن فقد رثاه بقصيده في قمه الروعه والوعه
وسوف اختم بها
صديقي ابو ايات لااستطيع ان اكتب عليك اكثر من هدا لان الحديث عنك طويل وطويل
اف جدا لاني لم افيك حقا
ملاحضه في هده القصيده يدكر فيها اسماء ابناء جيله امثال هاشم جويعد جليل صبيح حمزه الحلفي طالب الدراجي ومحمد الغريب لنسمع ونستمتع
سألت عليه الشمس...
دلوها.. جنت العصر..واكف على احزاني
كبل المنيه بفرع.....
وبثاني صورة شعر
سكران تلكاني .
دلوها بس تيهت..لن هيه مالت صبح
بالليل ماتندل.
وبغير فجر وهوى..ويمسح جفنها الضوه..هيهات ماتقبل
ومن تمشي ماتلتفت..مغروره مثل النحت..جن مشية مدلل
وجذابه ماسلمت ..متوهمه هاي الناس..
لغروب من دنكت..عالبحر متواضعت..رادت تغسل الراس .
واسرار عدنه سوه...مارايد احجيها
ولتكلي هايه الشمس..ولتكلي داريها..
من تلعب عله الحبل..بالماي ابديها
دلو عليه الشمس .؟شبساع نكرتني..؟
بالعيد ذاك المضه..جابتلي طاري غني وبس ابجي خلتني
سألت شمسنا صدكك؟؟ليش انه مو منها..؟
موهيه جانت كبل...ترميه عليه عدل من ينشلع سنها
وبالناس ياما عليه تجيب وتدلي..واليوم تسأل علي
جذابه خ...تولي.
**********
جذابه بس السنه
شوجنها تحجي صدك
سألت على المنشطب ..
بالجنه رأسا يطب ..
واسمه بهويته العثكك.
نشدت على اخوة فقر
واسماء تحت الصفر..والعوز مثل الجلد
عنهم فلا يفترك..
الشمس سألت على واحد تسميه غني ...
يملك الف قافيه
كلهن ضوه وعافيه
شالوله كلب العقل ...
حطوله كلب العشكك.
ونص قطعه عنده العمر ..
ولو كتب بيت الشعر
لازم يكتبه شركك
يالمنخلق من ورق..وتمشي عله جرف القلق..
شكيته ثوب الشعر..رد خيط النه الفتكك
ياعظم هدهد نبي...شو جودرت من وكت..
وشلون وجه الصبح..للكبر عندك خلكك
الماي لمن اخذ اوراقك اعله النجف
كالت اكبور السمه...جا كاظم المن بقه...؟
وعريان سيد خلف..؟
وشلون يبقه النخل..حي ويموت السعف
وشلون ماشككو ديوان باب السلف
لازم يموت الشعر ويموت ال يكتبه
الطره تحسب وكت...بس ماتت الكتبه
بيد الله عمره غني...وعمر الشعر بيده
صح ثوبه ماعبره...نص ساعه من عيده
لكن اخذلك بشر...سلم عليه الحجر
او وكفت ابابي الشمس...من عندي اتريده
زين انه مثله جرح..تمطر وماكو حبال..
محتار اشر بالهوى...وهيه تريد اجبال
ياشمس روحي وبعد... مية سنه وردي..
يجوز مثله يجي....شاعر يسكر العنب..
وعنده القوافي قرب...يترسها ويبدي
ياشمس روحي وبعد...مية سنه وعودي
ولو مثله شاعر طلع...اكطعلج زنودي
لج بابا هذا غني ..مو انه ..لو... انه
حبلت بحور الشعر ...ماجابت أخوانه
ريس عشاير شعر...وماباع شفته بسعر
اتسابكك ويه الصبح...عنان ويه عنان
وفحطان رد الضوه...مالحكك حصانه
ياشعر..هذا غني....الماقاري خل يقره
واليقره لازم يرد...ايخيط بشعره.
لج بابا هذا غني ياشمس هديني
من اقره شعره التفت..واستحي من عيني
من اقره شعره استحي..ياشمس من عيني
******
يلي تلولي على...شمس الله بالكاروك
ببساط شعرك نجم...جم غيمه بيه تحوك
جاعلمتنه السهر ونصاحب النسمه
وشلون ساعة مطر..ينزل عليك الكمر..وتعلمه مثل الطفل
يتغزل بنجمه.
اتعلمه مثل الطفل..نايم بحضن السطح..
اتحوك عينه جنح...ويصعد ابريش الضوه
بالسمه وبعده وكح....ويطير بره الصبح
ويكرهه اليفززه....جن شام ريحة دوه.
علمنه عدنه عطش...لهواي يابو هواي
علمنه نزرع جمر..ياغني فوك الماي
وشلون من ينركع...ثوبك ابفضة نفس
وشلون الاسمه غني...ماعنده مية فلس
وبيش الصريفه اصبحت..تتشيم عله القصر
وشلون يمشي على..خشم الفلوس الفكر
لتكول اموت ومتت من يشتهي التابوت
علمنه ذني وبعد..شايب بكيفك موت
ولتكلي مكتوبه الي..وهذا العمر ميطول
ميموت مثلك غني الا القصيده اتكول
*******
علمنه ها يالغني ...محتاج نتعلم
خايف يموت الغزل..والاذن تتسمم
وخايف يدور الهوى..ويزعل الراضيته
وتيبس فراشه الصبح..عالنده الربيته
ياقلم من تنسبي....الشاجور يصبح نبي.. والموت خاجيته
والبنه بيوت الحلم ..لمن عليه تنهدم..يتبره من نيته.
والكتب دفتر دمع..عالكنطره وعالنبع
اتفوت كل الربع ..ماتبجي يم بيته
ونفوت جن مارجف..عالسنبله النواب
ولشراع هاشم سكن...لافتح طالب باب
ولامن غريب الطرد...جنيه من تراب
ولاحب جليل الجسر..ولاحمزه وبلاعذر...مثل ابنه يتغزل..
ونكله كلش حلو...والشيب مايقبل .
اه ياغني ويادمع...لومات كل الشمع ..ياظلمه التذكره ..؟
كالتلي شمسك..غني..لمن حجه عله السمر..والبيض والعشره
النجمات منه استحن..وبثاني يوم اطلعن
اوجوهن حمره..... وجابت قصايد كطه..يم اسمه منتحره.
وفوك الحبل تحترك..اثياب جدد عسى
يكتب عليهن حرف..ويكول للفقره
ومن هالعذاب اختصر...المفروض كل الشعر
والراد يكتب سطر ..يفتر على كبره .
وكل شاعر الي كتب..اي حرف باي موضوع
يدفع ضريبة وفه..من عمره كون اسبوع
ونروح نوكف سره...وندفعها للمكبره
ونكلها طلعي غني...وننطيه كل عمره