شينا
شينا (Chyna) (27 ديسمبر 1970 - 20 ابريل 2016) ممثلة امريكية ، اسمها الحقيقى جوان مارى لورير (Joan Marie Laurer) .
اتولدت شينا يوم 27 ديسمبر 1970 فى مدينة روتشستر بولاية نيويورك الامريكية ، وهى طفلة اتعلمت العزف على الكمنجه . ولما وصلت لسن 16 سنة سابت بيتها بعدما حاولت امها انها تجبرها على العلاج من ادمان المخدرات ، وبدأت تشتغل جنب دراستها لغاية لما خدت الشهادة الثانوية وهى فى اسبانيا .
بعد كده دخلت شينا جامعة تامبا بولاية فلوريدا الامريكية واتخصصت فى الادب الاسبانى واتعلمت فيها كمان لغه فرنساوى و لغه المانى ، وكانت عضو فى هيئة تدريب ظباط الاحتياط ومستشار مقيم فى سكن الطلبة . وفى سنة 1992 اتخرجت شينا من الجامعة وكانت بتتمنى انها تشتغل فى مكتب التحقيقات الفيدرالى أو فى إدارة مكافحة المخدرات وتستفيد هناك من معرفتها باللغات اللى اتعلمتها . بعد كده طلبت التطوع فى فيالق السلام واتقبل طلبها واختاروها للسفر لدولة جواتيمالا .
بعدما رجعت شينا من جواتيمالا اشتغلت فى اكتر من مهنة ، مرة جرسونة فى كباريه ومرة تانية مغنية فى فرقة ومرة تالتة عاملة خط دردشة رقم 900 . وفى سنة 1994 درست كورس تدريب مدته ست اسابيع علشان تشتغل مضيفة جوية ، لكن بعدما نجحت وخلاص كانت رايحة للمطار تستلم شغلها الجديد وتسافر اول رحلة ليها كمضيفة وهى فى الطريق عملت حادثة بالعربية اللى كانت راكباها واتصابت بكسور فى مناخيرها وفى الكاحل وإصابة فى ضهرها وجروح فى وشها واضطرت علشان كده انها تقعد فى المستشفى اربع ايام للعلاج بعد الحادثة دى وضاعت عليها الوظيفة الجديدة من قبل ماتستلمها . وبعدما شفيت من اثار الحادثة لقيت شغل مع اختها كاثى (Kathy) فى بيع اجهزة البيجر اللى كانت منتشرة قبل ظهور الموبايلات ، وبعد كده اتعلموا هما الاتنين الرقص الشرقى واشتغلوا رقاصات فى كباريه مشهور .
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
دخولها عالم مصارعة المحترفين
بدأت شينا التدريب على مصارعة المحترفين سنة 1995 فى مدرسة (Wladek "Killer" Kowalski) فى مدينة مولدن، مساتشوستس الامريكية ، ولعبت اول ماتش مصارعه ليها فى نفس السنة ضد مصارع لابس هدوم واحده ست .
فى سنة 1996 اتقابلت شينا مع نجوم مصارعة المحترفين تريبل اتش (Triple H) و شون مايكلز (Shawn Michaels) باعتبارهم المؤديين فى الاتحاد العالمى للمصارعه (WWF) وقرروا ضمها لالاتحاد العالمى للمصارعه (WWF) كحارس شخصى . فى الاول كان فينس ماكمان (Vince McMahon) صاحب شركة وورلد ريستلنج فدريتشان (WWE) كان رافض يضمها للشركة على اساس ان الجمهور مش هايقتنع بأن واحدة ست تقدر تضرب المصارعين الرجاله ، لكنه غير رأيه بعدما شافها يوم 16 فبراير 1997 وهى حارس شخصى للمصارع تريبل اتش (Triple H) لما ساعدته فى الفوز بالماتش عن طريق توجيه الضربة الجامدة لمنافسه فوق الفخد . وفى الفترة دى خدت اسم الشهرة اللى اتعرفت بيه هو شينا (Chyna) علشان يبقى سهل النطق بدل اسمها الأصلى .
فى شهر يناير 1999 شينا بعدت عن المصارع تريبل اتش (Triple H) وانضمت لخصومه فينس ماكمان (Vince McMahon) و كين (Kane)
فى شهر يونيو 1999 كانت شينا اول واحدة ست تتأهل لبطولة (King of the ring tournament) وكمان كانت اول ست تبقى المرشح رقم واحد لبطولة الاتحاد العالمى للمصارعه .
فى سنة 2000 اتصاحبت شينا على المصارع الراحل ادى جيريرو (Eddie Guerrero) ولعبوا مع بعض كفريق واحد فى ماتشات مصارعة مختلطة الجنسين ، لكنهم انفصلوا عن بعض فى شهر نوفمبر 2000 بعد خيانته ليها .
فى شهر نوفمبر 2000 ظهرت شينا فى صور وهى عريانة ملط فى مجلة Playboy ، وده اللى عرضها لهجوم عدد كبير من المصارعين على اعتبار انها اساءت ليهم .
فى يوم 30 نوفمبر 2001 انسحبت شينا من عضوية الاتحاد العالمى للمصارعه (WWF) .
فى سنة 2002 سافرت شينا لاليابان وانضمت لمصارعة المحترفين اليابانية الجديدة (New Japan Pro Wrestling) ولعبت عدد من ماتشات المصارعة للدعاية والإعلان عن الرياضة الجديدة دى . وفى المدة اللى قضيتها فى اليابان اشتغلت فترة فى تدريس اللغة الانجليزى وفى الوقت ده انضمت لطايفة المورمون .
دخولها فى مجال البورنوجرافى
فى سنة 2004 دخلت شينا فى مجال البورنوجرافى بعدما مثلت اول فيلم بورنوجرافى ليها وهو One Night in China اللى خد جايزة 2006 AVN Award كأحسن مبيعات ، وكمان مثلت افلام بورنوجرافية غيره زى Another Night in China و Backdoor to Chyna اللى خد جايزة 2012 AVN Award كأحسن شريط جنسى للمشاهير و Chyna is Queen of the Ring و Avengers XXX: A Porn Parody و She Hulk XXX:A Porn Parody
ابرز الاحداث اللى مرت بيها فى حياتها
شينا كانت عملت اكتر من عملية لزرع بز نتيجة التمزق اللى حصل اكتر من مرة فى بزازها بسبب ماتشات المصارعة اللى كانت بتلعبها .
شينا كانت صاحبة علاقات عاطفية وجنسية متعددة ، وده سبب لها مشاكل كتيرة مادية ومعنوية .
فى يوم 8 فبراير 2007 اللى ماتت فيه صاحبتها الممثلة الراحلة انا نيكول سميث (Anna Nicole Smith) كانت شينا فى حالة نفسية سيئة جدا ظهرت فى التصريحات اللى قالتها يومها فى برنامج Larry King Live لما قالت انها هاتحصلها قريب لأنها هى كمان اتعرضت لحاجات كتيرة زى اللى اتعرضت لها صاحبتها .
فى شهر نوفمبر 2007 قدمت شينا طلب لتغيير اسمها الحقيقى من جوان مارى لورير (Joan Marie Laurer) لشينا (Chyna) اللى هو اسم الشهرة بتاعها لما كانت بتلعب مصارعة ، بسبب أنه بعدما انسحبت من عضوية الاتحاد العالمى للمصارعه (WWF) ماكانش من حقها الاستفادة من اسم شينا كعلامة تجارية لأنه مش اسمها الحقيقى .
شينا كانت مدمنة مخدرات ، وده كان يفسر التصرفات الغريبة اللى كانت بتعملها زى يوم كانت موجودة فى كباريه بمدينة نيويورك فى ولاية نيويورك وفجأة قلعت كل هدومها وجريت وهى عريانة ملط قدام الناس ونطت جوه حوض سمك كبير ، ولما كانت فى برنامج Hward Stern وكانت بتتكلم كلام مش مفهوم وبتسرح كتير ، ولما قالت انها مش عايزة تتعاطى المخدرات بعد كده لكنها لو شافت الكوكايين قدامها هاتاخده لأنها ضعيفة قدامه . وكانت دخلت مصحة متخصصة فى العلاج من الإدمان .
وفاتها
فى يوم 20 ابريل 2016 ماتت شينا فى بيتها بمدينة ريدوندو بيتش بولاية كاليفورنيا الامريكية نتيجة جرعة زيادة كانت اخدتها من الادوية المخدرة بتاعتها ، واللى اكد النتيجة دى البيان اللى كان صادر من حسابها على تويتر .
| Chyna
]].