ملف:Muros- case medio milleiro de sinaturas contra a suba da contribución (10539827603).jpg

Na imaxe, María Xosé Alfonso, responsable de CXG en Muros, coas sinaturas entregadas hoxe

Muros, 28 de outubro de 2013. A formación galeguista Compromiso por Galicia vén de entregar no Concello de Muros 489 sinaturas solicitando a éste que alegue indirectamente contra a nova ponencia de valores que entrará en vigor a partir do vindeiro ano 2014.

Dende Compromiso por Galicia apuntan que esta nova Ponencia de valores fai que moitas familias muradás vexan triplicados e incluso cuadriplicados os valores catastrais das súas propiedades e consideran que estes novos criterios para calcular os valores catastrais non teñen en conta aspectos tan importantes como o valor do mercado inmobiliario en Muros en continuo descenso con motivo da crise. Daí que propoñan que o concello faga todo o que estea na súa man para que esta actualización, que recoñecen é necesaria, se faga “con sentidiño” e non supoña unhas subas tan brutais nos recibos da contribución.

Ao mesmo tempo, Compromiso por Galicia-Muros tamén solicita ao concello que o IBI , popularmente chamada contribución, se manteña no 0'4 % para os bens de natureza urbana e no 0'3 % para os de natureza rústica e non suba ao 0'6 % como aprobou en pleno o grupo socialista de goberno tendo que facer uso do voto de calidade da alcaldesa, o que contrarrestaría parte do efecto da suba que supón a actualización dos valores catastrais.